Nota sobre la ortografía
utilizada en este texto en quechua
El siguiente texto está escrito según la ortografía unificada para todo el
quechua sureño,
funcional desde Ayacucho hasta Bolivia.
Así, los cinco sufijos que más cambian de pronunciación de región a otra aparecen aquí según la norma escrita unificada,
es decir: ‑mi/‑m, ‑pa/‑p, ‑pti‑, ‑chka‑ y ‑chik.
En cuanto a su pronunciación, pues por supuesto cada lector debe
leer estos sufijos siempre según la pronunciación normal en su propia
región. En Cuzco mismo, por ejemplo,
como es muy bien sabido, estos sufijos se leen y se pronuncian más bien
como: [mi]/[n]; [pa]/[q]; [qti]; [sha]; y [chis].
¿Por qué escribir y
leer así? Pues porque así es como funciona cualquier ortografía unificada, tal como la
del castellano: las palabras cerveza y pollo se escriben siempre de la misma manera en
todas las regiones, aunque se lean y se pronuncien de maneras bien diversas en los diferentes
países y regiones del mundo hispanohablante.
Igual vale para la ortografía unificada del quechua sureño. Para saber más acerca de todo esto, haga clic aquí.
Anti Simikunaq T’ụqyaynin
Allinmi Hamusqaykichik!
Kay internet rapịqa César Morante
Luna yachachịqpa, kastilla simimanta Qụsqụ‑Qụllaw
qhịchwa simiman t’ikrasqanmi.
Andes nisqa
suyupi kunan pacha qhịchwa simi utaq aymara simi rimaq runakunaqa, sapa
mama siminta rimaspam, imaynam Andes nisqapi ñawpaq wamink’a runakunap
kawsaynin karqan, anchaytam kasqallanta kawsarichinku, wiñaypaqpas chaywan
watasqa kachkankuman hina. Pikunataqri
Machu Pikchu llaqtata hatarichirqanku?
Ima simitam rimarqanku? Ñawpa qhịchwa
simi rimaq runamasinchikkuna tawantin suyuntinta kamarqanku – chaymi sapa qhịchwa
siminchikta rimaptinchik paykunata yuyarichiwanchik.
Kay unay ñawpa pachakunapi kawsaq runakunam qhịchwa simitapas aymara simitapas mast’arirqanku llapa Andes nisqa suyuntinta, astawanqa Ecuador, Perú, Bolivia ima llaqtakunamanta pacha. Ichaqa chhaychikankaraytaq kay suyu chayqa, chayrayku qhịchwapas aymarapas as asllamanta hukniraytakama rimakurqan sapanka suyukunapi may suyupi rimakusqanman hina. Kay cd‑rom nisqawan, kay Internet rapiwan imam, kikichallanta uyarikuyta atikunman, imaynam wakin suyukunapi runakuna hukniraytakama siminkunata t’ụqyachinku mayqịn suyupi kasqanman hina. Chaymantapas, astawan yachayta atikunman imaraykum, imaynatataq chay hukniraytakama kasqan simi rimay rikhurimurqan, hinallatataq chay kikin simi hukniray rimay maypi rikhurisqantapas.
Hamụqpim,
yachanapaq hinalla, uyarisun imaynatam Andes nisqapi sapaq sapaq llaqtayụqkama
runakuna, qhịchwa simipi, aymara simipipas “huk”
nisqa simita, “pichqa” nisqa simitawan rimaspa t’ụqyachinku.
Waqaychasqata uyarinapaqqa, huk’uchata kuyurichispallam uraypi wan
qịllqasqa
suyukunap sutin pataman churaykuna (sutikuna patapi ñit’ina kaptinqa,
ñit’iykuyyá). (Kumputaduraykipi mana ima
t’ụqyaypas uyarikụptinqa, kaypi
ñit’iy
yanapakụq rapinchik rikunapaq.)
•
Yachanapaq
hinalla, uyariy imaynatam “huk” nisqa simita qhịchwa simipi rimaspa t’ụqyachinku
kay suyukunapi: pi, Ecuadorpa sallqa suyupi; pi, Perú
chinchay suyu kinrayman hina; pi, Ancashpi,
Perú chinchay suyu kinrayman hinallataq; pi, Perúpa qụlla suyu kinrayninman hina;
chaymanta pi, Boliviap
qụlla suyu kinrayninman hina.
•
Hamụqpi,
uyariy imaynatam aymarapi “huk” nisqa simita
ninku: p chawpinpi rimasqa aymarapi, Perúpa chawpinpi kaq suyupi;
, qụlla suyunpi rimasqa aymarapi ima, Bolivia.
•
Hinallataqmi
uyariyta atikun imaynatapaschá, pachak pachak qhịpa watakunapiraq “huk” nisqata, uyarikurqan simipi, simipipas, iskaynin simikuna chayraq mast’arikuchkaptin.
cd-rom nisqapi, internet rapipi imam, llapanpi pichqa chunka rịqsisqa simikunata tarisunchik. Chay simikunatam khaynata uyarikuyta atikun
(qhịpakunamanqa pachakmanmi kay waqaychasqa simikuna yapakunqa). Kay Anti simikunap t’ụqyaynin cd-romta ruranaykupaq chunka isqụnniyụq k’itikunatam chayarqayku. Kunanqa imaynatam chay k’itikunapi sapanka
simikunap t’ụqyayninta uyariyta atinchik.
Llapan waqaychasqa “huk” nisqa simita, “pichqa” nisqa simitawan uyarinapaqqa kay
sutinkuna patapi ñitíy: huk, pichqa.
Chaymantataq, ama hina kaychu, kumputaduraykipi t’ụqyay waqaychasqa
kasqanpi hunt’ananta suyaykuy (chayqa yaqapas huk minutu
unanman).
Imaynatam Anti simikunap t’ụqyaynin puririn?
Qhịchwa
simipas aymara simipas, may suyupi rimakusqanman hina hukniraq simikama kasqanqa,
manam llakikunapaq hinachu kanan – aswanmi chayqa Andes nisqapi hukniraykama
kawsaypa qhapaq kayninpa t’aqallanmi.
Aswanmi, maypi qhịchwa simipas, aymara simipas paqarirqan, chayta
allinta yuyayninchikpi hap’iyta yanapawanchik, chaymantapas pikunam kunan pacha
kay simikuna rimaq runakunap apuskinkuna karqan? Maypin kay simikuna
paqarirqanku? Hayk’aqmi sapanka
rimakusqan suyukunaman chayarqanku, ñawpa rimaypi t’ụqyayninkunata
apamuspa. Imaynatam ñawpap qallarininpi qhịchwa simipas aymarapas t’ụqyarqan? Kay chanin tapukuykunaman kutichiytapas
yanapawallanchiktaqmi aswan.
cd-rom nisqapipas internet rapipipas Anti simikunap t’ụqyayninqa kasqan yachaykunallatataqmi t’aqa t’aqapi
rakisqa rikhurin. Mayqịn t’aqatapas akllanapaqqa, pantallap llụq’ịnpi
wachukuna kaqpa hawanpi “enlaces” nisqapi ñit’inallam.
• Yanapaq – Imallapas qampaq sasachakụqtinqa,
imaynata llapan t’ụqyaykuna uyariyta atinapaq, aswan allinta rapikunata
qhawanapaqpas, yanapaq nisqanpi ñit’iy.
• Simikuna tupanachiy – Imaynatam, hukniraytakama qhịchwatawan
aymaratawan rimaq iskay chunka suyukunapi, pisqa chunka rịqsisqa
simikunata rimaspa t’ụqyachisqankuta uyariy.
• Suyukuna – Pịqpa kunkanchá waqaychasqapi uyarikun, paykunap phutunta rikuy,
may suyupi tiyasqankutawan.
• Rimasqayki simimanta – Mama simiykimanta astawan yachay,
maymantam hamun chay simi, maymantataqmi kikin ñawpa runamasiykikuna
kankuman. Hayk’aqmi, maypitaqmi
paqarirqanku qhịchwa simipas aymara simipas? Imaynatam kunan pacha kaq suyukunakama
mast’arikurqanku? ¿Imaraykum manaña kay
suyukunapi rimasqa wak suyukunapi rimasqawan kikillanchu kapunku? ¿Imaynapim kasqan simi hukniray rimakuynin
qallarirqan?
• Imaynatam qịllqana – Imaynatam
qhịchwa simitapas aymara simitapas qịllqana? Anti simikunap t’ụqyayninqa manam imaynatam kamachisqaman hina kay
simikunata qịllqayta yachachiytachu munan. Ichaqa, imapim qhịchwa simi aymara
simimanta kay suyupi wak suyumanta hukniray kasqanta yachakusqanman hina,
chaymantapas, imaynam unay qhịpa pachakunapi karqanku, kay yachaykunapas
imaynatam kamachisqa achahalawan (qhịchwa simịp ‘alfabeto’-n) chay
Anti simikunata qịllqanata ch’uyata rikuyta anchata yanapakun. Kay t’aqapi kasqanpa yanapakuyniywan,
imaraykum kay achahala chhayna kamasqa karqan, imaraykutaqmi runakunata
‘hukniraytakamalla’ qịllqayta mañakun;
chaykunawanmi aswan allinta yachayta atisunman.
Yanapaywankikumanchu?
Anti
simikunap t’ụqyaynin
nisqa internet rapi aswan allin kananpaq yanapaywankikumanchu?
• Qhịchwa simipas aymara simipas
sapaq sapaq suyukunapi (huk hawa suyukunaptapas, Argentinamantawan
Colombiamantawan) hukniraykama rimakusqata grabaspa, astawan yapayta munaykumanmi.
Imaynatam kay pichqa chunka simikunata kikin suyuykipi rimasqa t’ụqyan, chayta llapanku
uyarinanta munanki chayqa, huk grabaciónta apachimuwayku hinaspa qampa
kunkaykita, qhịpakunaman llụqsimụq Anti
simikunap t’ụqyayninpi yapaykusaqku.
• Sut’inmi, kay napayukuy rapịqa
achkha simikunapi qhawanapaq kachkan, Anti simikunap t’ụqyaynintaqmi kunan pacha kastilla simipi
inglés simi imallaraq kachkan. Ichaqa, Anti
simikunap t’ụqyaynin, qhịpakunaman llụqsimụptinqa, ichapas llapan achkha
suyukunapi rimasqa qhịchwa simipi aymara simipipas hụqarinapaq
kanman. Qhịchwa simitapas aymara
simitapas imayna
suyuykipi rimakusqanman t’ikrayta yachanki chayqa, qam kikiykim yanapawaykuta
atiwaq.
Kaykunapi yanapaywaykuta
munanki chayqa, kaypi
ñit’iy, pikunam Anti
simikunap t’ụqyaynin internet rapita
paqarichiyku, imaynatam ñụqaykuwan tinkuyta atiwaq, chaykunata
yachanaykipaq.
Hukniray simipi kay napayukuy rapi nawinchanapaqqa, urapi rikhurịq suyukunap sutin patapi ñit’iy.
Qhịchwa: |
Ecuador |
Ancash |
Qhịchwa: |
Wankayu |
Qụsqụ |
Aymara: |
Jaqaru |
Qụlla aymara |
Inglés
nisqa
simipipas kastilla simipipas kay napayukuy rapita
ñawinchayta atikunmanmi, lliw Anti simikunap t’ụqyaynin internet rapipi kasqanta rịqsiytapas.
Kay
rapịp qallariyninman kutiy